الجمعة، 16 سبتمبر، 2016

شركة Adblock تطلق منصتها الإعلانية الخاصة!!


من يومين الشركة المالكة ل Adblock المتخصص في حجب الإعلانات المزعجة على المتصفحات المشهور أعلنت إنها بدأت بالفعل شركة إعلانات خاصة بيها :D أو خلينا نسميها زي ما هي سميتها Acceptable Ads Platform أو بمعنى أصح منصة الإعلانات المقبولة :D

الشركة بتقول إن الفكرة ببساطة إنها هتبدأ تعدل ال lists بتاعتها اللي بتستخدمها في حجب الإعلانات وتسمح ببعض الإعلانات اللي هي شايفاها من وجهة نظرها مفيدة للمستخدم ودي طبعًا قلة أدب بالمعنى الحرفي :D لأن كدة هي جمعت كل المستخدمين دول حول هدف واحد وهو منع الإعلانات المزعجة وفجأة هتبقى هي بتساهم في عرض الإعلانات دي!!

وطبعًا عشان يسوقوا للموضوع بصورة ما تخنقش الناس طلعوا بمصطلحات مطاطة زي nonintrusive ads و Acceptable Ads initiative وغيرها, والجدير بالذكر إن شركة جوجل دخلت معاهم وهتبدأ تظهرلنا إعلاناتها قريب لو الموضوع ده فضل مكمل!!

طبعًا هنا في جانب أخلاقي عجيب وهو إنك تستغل حاجة الناس ليك, في كون إنك أصلًا بتأذي ناس تانية اللي هي بتدفع فلوس في الإعلانات ومع ذلك الناس فضلت تدعمك؛ فجأة طمعت قمت عامل حوار عشان تعمل عكس هدفك الرئيسي :/

"It's uncomfortable" watching Adblock Plus transition from purely blocking ads to pushing them". Sridhar Ramaswamy- Google's senior VP for ads.

ليست هناك تعليقات :

إرسال تعليق